UVIÉU, 14 Abr. (EUROPA PRESS) -
El BOPA d'esti 14 d'abril del 2021 recueye la convocatoria de los premios Nel Amaro de Teatru Profesional y Camaretá al Meyor Cantar, na so quinta y decimotercer edición, respectivamente.
Dambos premios almiten la participación con obres y cantares tanto n'asturianu como en gallego-asturianu, y tán dotaos con 6.000 euros y la promoción de la obra ganadora por parte del Principáu. Nel casu del Premiu Camaretá al Meyor Cantar, esta promoción inclúi tamién una dotación pa la realización d'un videuclip.
Otra característica común a dambos concursos ye que se desenvuelven en dos fases: una primer fase onde'l xuráu escueye a los finalistes ente los presentaos y una segunda onde estos finalistes tienen que defender el so trabayu en directo.
Nel casu del premiu Nel Amaro, la puesta n'escena faise a lo llargo del Festival Nel Amaro, que tien llugar na seronda. Nel casu del Camaretá, nuna gala musical onde se fai públicu'l fallu del xuráu al final. El plazu pa presentar candidatures a estos premios remata'l 21 de mayu del 2021.
