UVIÉU, 12 Dic. (EUROPA PRESS) -
El rector de la Universidá d'Uviéu, Santiago García Granda, reprochó al conseyeru d'Educación y Cultura, Genaro Alonso, la so defensa de que la institución académica ta bien financiada. "El conseyeru debería de pensar na Universidá más que nél", indicó.
A entrugues de los medios esti miércoles n'Uviéu, Granda aprovechó pa responder a les palabres de Genaro Alonso, qu'un día enantes pidió al rector que dexara de falar de falta de financiación.
"El conseyeru ta nel so papel y imaxino que les declaraciones son con intención bona", indicó Granda, qu'afirmó que los datos son "oxetivos" y "incontestables". Asina, esplicó que'l presupuestu del Principáu xube más d'un 2'34% y el máximu que pue presentar la Universidá xube un 1%, lo que al so xuiciu "contesta al conseyeru".
Alonso comentó que la Universidá tien un déficit de 12 millones y una falta de compensación por matricula d'unos cuatro millones que'l Principáu va retornar a la Universidá un añu más tarde, "polo que tien de cuntame'l conseyeru si yo faigo un furacu nel presupuestu de 20 millones d'euros como va poder cumplir colos oxetivos de la so cartera".
