UVIÉU, 19 Ago. (EUROPA PRESS) -
La vicesecretaria del PSOE y portavoz nel Congresu de los Diputaos, l'asturiana Adriana Lastra, mostróse claramente partidaria de la oficialidá de la llingua asturiana. "Ye una cuestión de responsabilidá", dixo nuna entrevista publicada esti domingu pol diariu asturianu 'La Nueva España' y recoyida por Europa Press. "O se declara oficial o la llingua desapaez", alvirtió.
Lastra recordó la "obligación" de protexer el patrimoniu llingüísticu y allinióse cola enmienda a la ponencia marcu aprobada pol últimu Congresu de la Federación Socialista Asturiana (FSA)-PSOE.
Los delegaos del enclave asitiáronse a favor, na seronda de 2017, de defender que l'asturianu (y nel so ámbitu, el gallego-asturianu) sía xunto al castellanu, llingua oficial n'Asturies, nel momentu en que se produza una reforma del Estatutu d'Autonomía, nun modelu d'oficialidá d'aplicación progresiva.
