UVIÉU, 28 Sep. (EUROPA PRESS) -
Esti vienres 2 d'ochobre va celebrase'l XLI Día de les Lletres Asturianes, que pola crisis sanitaria nun pudo celebrase en mayu como ye vezu, cola Xunta Estraordinaria de l'Academia de la Llingua Asturiana, que va facese a les 12.00 hores nel Aula Magna de la Universidá d'Uviéu.
La sesión, na que va participar tamién una representación política, académica, sindical y cultural de la sociedá asturiana, va acoyese al académicu correspondiente nuevu, Pablo Rodríguez Medina, y Xuan Xosé Sánchez Vicente va recibir el Premiu Nacional de Lliteratura Asturiana.
L'actu va emitise tamién al traviés de les redes sociales en collaboración col Serviciu de Medios Audiovisuales de la Universidá d'Uviéu, según informó l'Academia de la Llingua Asturiana.
Otra manera, el presidente de la institución, Xosé Antón González Riaño, llamó a los asturianos a mostrar el so "arguyu nun día tan importante pa la cultura d'Asturies" usando'l hashtag #DíaDeLesLletresAsturianes nes redes sociales.
