UVIÉU/XIXÓN, 5 Sep. (EUROPA PRESS) -
Dos persones finaron, otros dos resultaron mancaes de gravedá y otros dos de calter leve, nun accidente llaboral nel muelle Moliner, nel Puertu d'El Musel (Xixón), según confirmó la Guardia Civil a Europa Press.
L'accidente produciríase al entornar dos camiones grúa nel puertu xixonés sobre les 11.20 hores d'esti xueves. Los camiones taben realizando llabores de desmontaxe del casetón d'una grúa pórticu. La Guardia Civil investiga los fechos.
A ún de los dos mancaos graves treslladáronlu al Hospital Universitariu Central d'Asturies (HUCA), mentes qu'al otru, al Hospital de Xove. A los dos mancaos leves atendiéronlos nel llugar del accidente los servicios médicos que foron a la zona.
Tolos afectaos pol accidente son trabayadores de delles empreses qu'operen na zona. Al llugar del accidente foron efectivos de la Sección Fiscal de la Guardia Civil d'El Musel y del Equipu Territorial de Policía Xudicial de la Guardia Civil de Xixón.
Andalucía
