UVIÉU, 20 Nov. (EUROPA PRESS) -
La Conseyería d'Educación sumóse a la celebración del Día Internacional del Neñu y la Neña con un vídeu grabáu n'asturianu del cuentu 'Ni un besito a la fuerza', una obra clara y cenciella pa menores y utilizada como recursu pol profesoráu, sobre la posibilidá de dicir 'non' énte posibles abusos.
La llectura n'asturianu d'esti rellatu grabóse cola narración de la maestra d'Infantil Alba Hernández y la voz de neños y neñes de 3 años del CP Vital Aza, de L.lena. El vídeu ta a disposición de la comunidá educativa n'Educastur y ta disponible nel siguiente n'enllaz.
L'Alministración educativa y l'Axencia de Cooperación al Desarrollu tán poniendo en marcha una serie d'acciones conxuntes, ente elles un concursu lliterariu en materia de derechos humanos abiertu a los centros.