Enseñanza de CCOO protesta pola falta de profesoráu de Llingua Asturiana

Publicado 29/01/2019 15:55:43CET
CONCEYU SIERO. - Archivo

UVIÉU, 29 Ene. (EUROPA PRESS) -

El Sindicatu d'Enseñanza de CCOO d'Asturies manifestó la so esmolición pola falta de profesoráu de Llingua Asturiana en dellos centros educativos del Principáu, "una situación que yá se detectó a finales del cursu pasáu cuando se fixo patente la dificultá pa realizar sustituciones y qu'empioró esti cursu", sostienen.

Anguaño, son trés los institutos d'enseñanza secundaria asturianos onde entá nun se cubrieron les places de Llingua: el CPEB de Zarréu, el IES 'Avelina Cerra' de Ribeseya y el IES 'Carmen y Severo Ochoa' de L.luarca.

N'ochobre de 2018, CCOO detectó qu'había seis centros de Secundaria nos que, depués de celebrase trés axudicaciones de personal interín, siguíen ensin docente de Llingua Asturiana.

El Sindicatu solicitó una entrevista col director xeneral de Planificación Llingüística, Fernando Padilla, pa tratar esti y otros asuntos más como'l de la creación de la especialidá de Llingua Asturiana. Pa CCOO, l'apertura de la bolsa, na que s'inscribieron 10 profesores con habilitación pa dar clase de Llingua Asturiana, nun valió solucionar el problema, porque tovía queden centros ensin docente.