Publicado 05/12/2017 13:45CET

Los escolares del Suroccidente presenten 132 trabayos al certame lliterariu n'asturianu 'Cesar Feito'

UVIÉU, 5 Dic. (EUROPA PRESS) -

El concursu lliterariu 'Cesar Feito', qu'entama'l Conceyu de Cangas tolos años contó esti añu cola participación de centros educativos de Tinéu y d'Ayande. En total, presentáronse 132 trabayos a esti certame n'asturianu que busca promocionar la creatividá lliteraria y artísticA ente los neños y adolescentes menores de 16 años.

El Xuráu, formáu pola filóloga Mónica Rodríguez Riesgo y los escritores Ignaciu Llope y Elías Veiga, alcordó conceder trés premios por categoría y dellos accésits. Los premios en categoría C (de 13 a 16 años) son pa los estudiantes del institutu Conceyu de Tinéu, Sara Montero Menéndez, ganadora col rellatu 'Les mios ganes de vivir', y Pablo Rodríguez Menéndez, mentes na categoría B (de 9 a 12 años) tán repartíos ente los colexos públicos d'El Pascón, Berducedo y el CRA Eugenia Ástur.

El primer premiu ye pa Lucía Rodríguez Mon pol cuentu "El monte salváu"; el segundu pa 'El llápiz', de Sheila Peláez Cano, y el terceru pa 'Chicle, el gatu abandonao', d'Amaya García Cuesta.

Na categoría A, (hasta 8 años), llevóse'l primer premiu'l cuentu 'El neñu qu'enseñó al pá a andar en bici', d'Álvaro Feito Menéndez, del colexu Verdeamor, mentes que 'El l.lobu afamiáu', de Víctor Pérez Collar, del CRA Gera - Cuartu de los Valles, llogra'l segundu y 'La granxa d'Asturies', d'Enol García García, del CRA Eugenia Ástur, el terceru.

Los premios, consistentes en llotes de llibros, van entregase'l xueves próximu 14 d'avientu nun actu institucional nel Conceyu, que va cuntar cola asistencia del Director Xeneral de Planificación Llingüística y Normalización del Principáu d'Asturies, Fernando Padilla.

Asturianu ofrecido por