UVIÉU, 17 Dic. (EUROPA PRESS) -
L'asociación Faceira acaba d'editar el 'Diccionariu Llionés. Volume I: llionés-castellanu', que cuenta con cerca de 11.000 entraes categorizaes gramaticalmente y más de 20.000 equivalencies castellanes.
Trátase d'un trabayu obra del llionés y académicu de la llingua asturiana Nicolás Bartolomé Pérez, qu'inclúi una rigurosa selección del léxicu patrimonial, amás de neoloxismos, cultismos y préstamos d'otres llingües axustaes a la fonoloxía y ortografía del asturianu propiu de Llión.
Amás, incorpora observaciones sobre gramática y ortografía, exemplos d'usu, indica árees de conocimientu de los términos que lo precisen y la identificación de los seres vivos col so nome científicu.
Per otru llau, amás de recoyer les palabres referenciales, tamién inclúi variantes y xeosinónimos de las principales variedades del idioma, amás de fraseoloxía, locuciones y modismos patrimoniales, asina como numberosos refranes populares llioneses.
