Fernández (PSOE) diz que nunca pactaría con un partíu "xenófobu, ultranacionalista y populista" como Vox

Javier Fernández
FSA
Publicado 14/01/2019 16:17:04CET

UVIÉU, 14 Ene. (EUROPA PRESS) -

El presidente d'Asturies, el socialista Javier Fernández, aseguró esti llunes que nun pactaría con un partíu como Vox "en nengún casu", porque se trata d'una formación "xenófoba, ultranacionalista y populista".

Fernández pronuncióse nestos términos, nun almuerzu informativu n'Uviéu, cuando-y preguntaron pola formación liderada por Santiago Abascal y polos resultaos n'Andalucía. Reconoció que nun sabe hasta qué puntu pue ser posible la irrupción de Vox n'Asturies, pero recordó qu'esi tipu de formaciones tán surdiendo tamién n'otros países. Nesi sentíu, dixo que'l presidente de Cataluña, Quim Torra, ye tamién "ultranacionalista y xenófobu"

Nesi momentu preguntáron-y a Javier Fernández sobre qué-y parecía peor, si pactar con Vox o facelo con secesionistes. El veteranu socialista asturianu, que pronunciara enantes un discursu mui críticu colos independentistes catalanes, rióse cola entruga. Depués d'unos segundos en silenciu dixo: "Nun lo sé, nun toi nesa tesitura".

Sobre lo asocedío nes elecciones d'Andalucía, Javier Fernández cree que se sumaron dellos factores y que, ente ellos, tamién influyó l'asuntu catalán. Sobre l'alcuerdu pal gobiernu ente PP, Ciudadanos y Vox, Fernández calificólo de coalición negativa" y "suma de vengaciones".

Contador