Actualizado 30/05/2008 14:17 CET

La flota asturiana caltién l'actividá pese a la convocatoria de paru pola escalada de precios del gasoleu

UVIÉU, 30 de Mayu (EUROPA PRESS)

La flota asturiana caltién l'actividá pese a la convocatoria de paru entamáu güei pa protestar pola "grave crisis" qu'atraviesa'l sector pesqueru por mor de la escalada de precios del gasoleu.

El presidente de la Federación de Cofradíes d'Asturies, Dimas García, dixo en declaraciones a Europa Press "non tener constancia" de la existencia de barcos amarraos. La federación d'Asturies, igual que la del restu del Cantábricu, opúnxose a esta convocatoria al tar la flota de baxura nel mayor momentu d'actividá del añu.

"Llamé a delles cofradíes d'Asturies y en nengún casu me dixeron qu'haya barcos amarraos", espunxo García. Na cofradía Virxen de les Marees d'Avilés, que concentra'l mayor volume de descargues de pescáu d'Asturies, tampoco hai hasta'l momentu paros.

La Confederación Española de Pesca (Cepesca) convocó pa güei una concentración frente al Ministeriu de Mediu Ambiente, Mediu Rural y Marín. La crisis qu'atraviesa'l sector ta motivada polos altos costes d'esplotación de los buques, principalmente al alza del gasoleu --que se cuadruplicó en cinco años, al pasar de 0,18 euros el llitru en mayu del 2003 a 0,75 euros nesti momentu--, asina como pol baxu preciu del pescáu en primer venta, que se caltién nos mesmos niveles qu'hai 20 años.

Nun comunicáu, Cepesca insistió en que si'l departamentu d'Elena Espinosa nun adopta midíes urxentes pa garantizar la estabilidá y sostenibilidá del sector "el pecáu pue desapaecer de la dieta de los españoles, asina como tamién les empreses y los trabayadores", diz el comunicáu.

Asturianu ofrecido por