Actualizado 26/03/2009 18:49 CET

La fuelga n'urxencies caltiénsen ensin incidencies y el Simpa diz que'l conceyu col Sespa "nun valió pa nada"

XIXÓN, 26 de Marzu (EUROPA PRESS)

La fuelga convocada pol sindicatu Médlicu Profesional d'Asturies (Simpa) nes urxencies hospitalaries del Principáu caltiénse güei na so cuarta xornada sin incidentes na asistencia a pacientes. Según indicó a Europa Press el voceru del Simpa, Antonio Matador, el conceyu calteníu güei ante'l sindicatu y el Serviciu de Salú (Sespa) "nun valió pa nada".

"L'alcuentru foi un calcu de los anteriores, un meru trámite y nun valió pa nada", dixo Matador, que repitió la "necesidá" de que l'Alministración negocie col Simpa los aspeutos llaborales qu'afeuten a los mélicos d'urxencies pa garantizar la igualdá de condiciones col restu de mélicos de la rede hospitalaria.

En cuanto a la convocatoria de fuelga qu'acaba mañana, el Simpa garantiza que se tán cumpliendo los servicios mínimos del 100 por cien. De la mesma manera, Matador señaló que l'Hospital de Cabueñes rexistró güei "dalgo de sobrecarga", mientres que l'Hospital Universitariu Central d'Asturies (HUCA) "ta teniendo una constante reducción d'afluencia", una situación que se rexistra, anque en menor midida, nel restu d'hospitales asturianos.

Tamién dixo que'l paru nos llabores alministrativos de los mélicos d'Urxencies "sigue aumentando'l númberu de pidimientos de consulta especializada, y poro tien repercusión nes llistes d'espera". Amás, Matador recordó que'l Simpa va estudiar la próxima selmana nueves actuaciones reivindicatives, ente les que nun se descarten una nueva convocatoria de fuelga, pa encamentar a l'Alministración a negociar.

Pela so parte, el Serviciu de Salú del Principáu d'Asturies (Sespa) apuntó güei, al traviés d'un comunicáu, que'l cuartu día de fuelga n'Urxencies trescurrió con "normalidá total" y "sin nengún tipu d'incidencia" nos hospitales de la rede pública. De la mesma manera, remarcó que los servicios mínimos establecíos se cumplieron na "so totalidá" y nun s'apreció "nengún impautu" sobre l'asistencia.