UVIÉU, 24 Jun. (EUROPA PRESS) -
El conseyeru d'Educación en funciones, Genaro Alonso, afirmó esti llunes que nun va repitir nel cargu, porque'l compromisu adquiríu fuera col presidente actual del Principáu, Javier Fernández, a lo llargo de cuatro años. Aseguró marchar del so puestu satisfechu por llevar "el testigu un pocu más allá" nos oxetivos marcaos.
Nunes declaraciones unviaes pol Gobiernu nel marcu de la participación nel depósitu de los fondos del Serviciu d'Inspección Educativa nel Archivu Históricu d'Asturies, Alonso señaló que Javier Fernández se va por razones "conocíes y obvies" y que, por eso, él tomó la decisión de siguir los sos pasos.
El titular d'Educación, que va abandonar el so puestu en cuanto se forme'l nuevu Gobiernu n'Asturies, reconoció que trabayar xunto Fernández "foi ún prestu enorme", pola so capacidá inmensa, de talante cuasi inigualable".
Sobre'l trabayu realizáu na conseyería que dirixe mentes estos años, aseguró que foi "positivo". "Consiguimos llevar el testigu un pasu más allá" afirmó, pa mentar "finxos" na FP dual, o nel conveniu cola Universidá d'Uviéu, pasando pola últimu convocatoria d'oposiciones d'esti sábadu, anque ello nun implique que nun haya "aspectos qu'ameyorar".
Sobre les oposiciones, realizó un balance "bien positivu" en términos organizativos, porque pela primer vez los opositores puen aportar a tola información relativa a les pruebes de manera telemática al traviés de 'educastur'.
De les pruebes d'esti sábadu destacó Alonso que "nun hubo incidencies reseñables", y que "too funcionó de forma razonable y bien". "Verdaderamente punxéramos mucnho enfotu na planificación del procesu selectivu a tenor del númberu d'aspirantes qu'esperábamos", señaló.
