UVIÉU, 24 Sep. (EUROPA PRESS) -
La portavoz del Gobiernu del Principáu d'Asturies, Melania Álvarez, calificó de "noticia bona" l'axilidá cola qu'alministrador xudicial d'Alu Ibérica solicita un preconcursu d'acreedores p'amenorgar l'impactu de la situación económica de les plantes y poder caltener la fabrica.
Según apuntó la conseyera y portavoz, esti pidimientu "sosprendió" al Executivu asturianu pola so axilidá, qu'entiende positiva porque permite dar los pasos próximos pa favorecer posibles ufiertes d'inversores.
Coles mesmes, Álvarez resaltó'l "compromisu" del Principáu de promover col Gobiernu central y los trabayadores, la entrada d'inversores "con proyectu seriu, rigurosu y solvente" pa dar continuidá a les plantes y caltener l'empléu. Nesi sentíu, comprometió la collaboración del Gobiernu cola alministración concursal futura "pa llograr esti oxetivu".
