Publicado 04/05/2016 14:54CET

Iniciativa pide que se permita la presentación d'obres n'asturianu al 'Café Gijón' de Novela

Premiu de Novela 'Café Gijón'
Europa Press

UVIÉU, 4 de Mayu (EUROPA PRESS)

La organización Iniciativa pol Asturianu reclamó al Conceyu de Xixón, patrocinador del premiu de novela 'Café Gijón', que les bases del certame permitan la presentación d'obres en llingua asturiana, dao que nesti momentu namás se permiten en castellanu.

Nuna nota de prensa, Iniciativa considera "un drechu llingüísticu que la convocatoria d'esti premiu, dotáu con 20.000 euros, seya también n'asturianu". Asina, "coincidiendo cola Selmana de les Lletres Asturianes queremos pidir al Conceyu de Xixón que se faiga la modificación precisa nes bases pa que se cree una categoría pa obres n'asturianu o se permita la presentación d'obres nel idioma que les Ordenances d'Usu del Asturianu de Xixón recueyen como propiu", reclama l'asociación.

Iniciativa pol Asturianu destaca que "ye una midida de costu cero, yá que nun supondría añadir un mayor presupuestu del yá aplicáu, y que daría un importante prestixu a les obres lliteraries n'asturianu yá que se convertiría nel premiu lliterariu al que pueden presentase obres nesti idioma con una mayor dotación".

Pide poro "tanto al equipu de gobiernu como a les fuercies presentes nel plenu qu'impulsen esta reforma y el Premiu Café Gijón seya una forma más de potenciar la creación lliteraria n'asturianu, y con ello, sofitar el procesu de normalización social del idioma, acabando asina con esta discriminación que fai que dende va 27 años los autores nun puedan presentar obres n'asturianu".

Asturianu ofrecido por