Actualizado 25/10/2012 16:32 CET

Iniciativa pol Asturianu critica la "política de marxinación" de la llingua qu'exerce la Fundación Príncipe d'Asturies

UVIÉU, 25 d'Ochobre (EUROPA PRESS)

Iniciativa pol Asturianu criticó esti xueves la política de marxinación" de la llingua qu'exerce la Fundación Príncipe d'Asturies, especialmente patente na celebración de los Premios.

Al traviés d'un comunicáu, el colectivu apuntó que la Fundación nun fai posible visitar la so páxina web n'asturianu, anque pue lleese hasta n'once llinües, y tampoco inclúi l'asturianu en nengún actu de la Selmana de Premios.

"Ye inalmitible que'l nuesu idioma mereza menos espaciu nestos premios que cualquier otra llingua del mundu", dixo la organización. Tovía ye más teniendo en cuenta, recuerda, que nos últimos presupuestos "la Fundación recibió más de 700.00 euros del Principáu y del Conceyu d'Uviéu", según Iniciativa pol Asturianu.

P'acabar con esta situación, ta previsto caltener una xunta cola directora de la Fundación, Teresa Sanjurjo, pa pidi-y qu'acometa un cambiu na so política llingüística y la oriente hacia la normalización y promoción del asturianu.

Asturianu ofrecido por