Publicado 22/06/2017 13:37

Iniciativa pol Asturianu denuncia un incumplimientu toponímicu nel Conceyu d'Amieva

UVIÉU, 22 Jun. (EUROPA PRESS) -

Iniciativa pol Asturianu (IpA) recibió la pasada selmana una quexa d'un ciudadanu na que denunciaba'l cambiu, per parte del conceyu d'Amieva, de la señalización na carretera AM-1, na que'l pueblu de Cirueñu pasaba a tar retuláu como 'Cirieño'.

El 3 de xineru de 2007, publicóse en BOPA el Decretu 2/2007, pol que se determinen los topónimos del conceyu d'Amieva, onde apaez la nueva denominación oficial de Cirieñu (y del restu de localidaes amievenses), sustituyendo a les enantes vixentes, si les hubiere.

Iniciativa pol Asturianu recuerda a la corporación del conceyu d'Amieva que la recuperación de los topónimos d'Asturies ta sofitada pola Llei 1/98, de 23 de marzu, d'usu y promoción del bable/asturianu, u se recueye que "les Alministraciones Públiques adecuarán de manera progresiva, d'acuerdu coles sos disponibilidaes presupuestaries y, en tou casu, al momento de la so renovación, les rotulaciones en víes publiques y carreteres, asina como de mapes y planos oficiales a les formes toponímiques establecíes nel Decretu correspondiente a la so aprobación" (Disposición final primera - Aplicación progresiva del Decretu 2/2007).

Por ello, Iniciativa pol Asturianu denuncia que'l conceyu d'Amieva ta infrinxendo les lleis y los decretos aprobaos pol Principáu d'Asturies nos que se recueye la recuperación de la toponimia tradicional del conceyu.

Nesti sen, se insta al muérganu de gobiernu del conceyu y a tola corporación municipal a emplegar y a reivindicar l'usu la toponimia oficial d'Amieva en toles estayes, asina como la restitución d'aquella señalización y retulación de les localidaes nes víes públiques y carreteres qu'incumplan lo establecío en el Decretu 2/2007, pol que se determinen los topónimos del conceyu d'Amieva.

Asturianu ofrecido por