TOLEDO, 28 Ene. (EUROPA PRESS) -
El Gobiernu de Castiella-La Mancha, el PSOE y Ciudadanos alcordaron principiar los trámites pa reformar l'Estatutu d'Autonomía de la rexón.
Foi la portavoz de Cs, Carmen Picazo, la que depués d'aconceyar col presidente rexonal, Emiliano García-Page, avanzó la noticia, asegurando que convién impulsar esta reforma.
Según dixo, son munchos los puntos qu'hai qu'analizar, ente ellos la llei electoral. "Ciudadanos va velar por midíes de rexeneración política", dixo.
CS "CONSTATA" QUE PAGE DEFENDE LA UNIDÁ D'ESPAÑA
La portavoz naranxa, que foi la primera en comparecer al acabar una xunta que s'allargó cuasi dos hores, aseguró qu'en constatando que PSOE y el so partíu caltienen "la mesma posición en cuanto al modelu territorial d'España", blindáronse de nuevu los diez alcuerdos de los pactos de Gobiernu n'Albacete, Ciudá Real y Guadalaxara, ente ellos la defensa de la unidá d'España.
Amás, decidióse crear una Comisión de Siguimientu d'estos pactos, y según afirmó Picazo, amplíase la posibilidá de que la formación naranxa tamién pueda llevar propuestes en favor de les otres dos capitales de provincia onde nun hai pactos de gobernabilidá, como son Toledo y Cuenca.
