UVIÉU, 23 Oct. (EUROPA PRESS) -
Les XXXVII Xornaes Internacionales d'Estudiu, qu'entama l'Academia de la Llingua Asturiana na Facultá de Filosofía y Lletres de la Universidá d'Uviéu, van ser nesta edición 6 al 8 de payares.
La ponencia inaugural va facela'l presidente de l'Academia, Xosé Antón González Riaño, que va falar sobre 'La llingua asturiana nuna perspectiva d'oficialidá'. Otra manera, el profesor de la Unviversidá de Neuchâtel, Juan Pedro Sánchez Méndez, va tratar sobre 'La huella asturleonesa en la conformación histórica del español americano', y el de la Universidá de Barcelona, Paolo Roseano, va facer un análisis dialectrométricu del asturianu nel ámbitu románicu.
Otra manera, dende la Universidá de Santiago, Elisa Fernández Rey, va centrase en facer un repasu a la rellación del asturianu y les árees xeoprosódiques del occidente ibéricu, mentes qu'Alfredo Martínez-Expósito, de la Universidá de Melbourne, va tratar sobre cuestiones d'imaxoloxía nel cine fechu n'Asturies nel sieglu XXI. La ponencia que va zarrar les Xornaes va ponela Fernando Sánchez Miret, de la Universidá de Salamana, que va analizar l'estudiu sobre la metafonía asturiana.
Per otru llau, nes comunicaciones van tratase temes como les actitúes sociollingüístiques de los llioneses, el cine nes clases de llingua asturiana, les actitúes llingüístiques na puesta en marcha del Plan Pilotu del Asturianu, o'l tratamientu del asturianu nel Institutu d'Estudios Asturianos.
