El llionés Mauro Guillén Rodríguez, presidente electu de la Fundación Princesa d'Asturies

Archivo - Esculturas de Joan Miró, símbolo represntativo de los Premios Princesa de Asturias.
FPA - Archivo
Publicado: jueves, 26 mayo 2022 14:55

UVIÉU, 26 May. (EUROPA PRESS) -

Al decanu y catedráticu de Dirección d'Empreses na Judge Business School de la Universidá de Cambridge, el llionés Mauro F. Guillén Rodríguez, nomáronlu presidente electu de la Fundación Princesa d'Asturies por aclamación del Patronatu de la institución na xunta celebrada esti xueves n'Uviéu. El so mandatu va facese efectivu a partir del mes d'avientu de 2022.

Mauro Guillén va asoceder nel cargu a Luis Fernández-Vega Sanz que, depués de cuatro años al mandu de la Fundación, ye'l quintu presidente de la institución, depués de Matías Rodríguez Inciarte (2008-2018), José Ramón Álvarez Rendueles (1996-2008), Plácido Arango (1987-1996) y Pedro Masaveu (1980-1987).

Mauro F. Guillén Rodríguez (Llión, 1964) ye miembru del xuráu del Premiu Princesa d'Asturies de Ciencies Sociales dende 2011 y del Patronatu de la Fundación Princesa d'Asturies dende 2015, decanu y catedráticu de Dirección d'Empreses na Judge Business School de la Universidá de Cambridge y catedráticu eméritu de Dirección d'Empreses y de Socioloxía na Wharton School de la Universidá de Pennsylvania, onde foi director del Joseph H. Lauder Institute of Management and International Studies mientres doce años.

Asturianu ofrecido por