UVIÉU, 13 Oct. (EUROPA PRESS) -
El Conceyu de Mieres, al traviés de la Conceyalía de Normalización Llingüística que dirixe Belén Alonso, convocó'l Premiu Teodoro Cuesta de Poesía en llingua asturiana na so XXIX edición.
Trátase d'un gallardón que va tar dotáu d'un únicu premiu de 4.000 euros, amás de contemplar la posibilidá de promover la publicación del poemariu.
Según consta nes bases, van poder participar toles persones que lo quieran con un poemariu inéditu, orixinal y escritu en llingua asturiana. El plazu de presentación va tar abiertu del 1 al 15 de payares.
Como n'ediciones anteriores, el xuráu va tar integráu por una persona representante de l'Academia de la Llingua Asturiana, una persona representante del ámbitu editorial, una persona de los medios de comunicación y una representante del Conceyu de Mieres.
Autores y autores destacaos de les lletres asturianes como Berta Piñán, Xuan Bello o Vanesa Gutiérrez formen parte del palmarés d'esti importante premiu.
