Publicado 18/01/2017 17:04

Miguel Castro y Víctor Suárez ganen el 'XVI de Cuentos Curtios' de Cangas

UVIÉU, 18 de Xineru (EUROPA PRESS)

El tineín Miguel Castro Vidal, cola obra 'Poldo', y l'uvieín Víctor Suárez Piñero, con 'L'incidente', son los ganadores del XVI Concursu de Cuentos Curtios del Conceyu de Cangas. Asina lo informó'l xuráu nuna nota de prensa, tres la so reunión celebrada'l 18 de xineru.

El xuráu, formáu por una representante de la Rede de Normalización L.lingüística nos Conceyos y del Conceyu Cangas, una profesora en llingua asturiana y dos escritores, una d'elles canguesa, decantóse a la fin por estes obres, nes qu'apreció valir lliterariu.

D'otra parte, la conceyala de Cultura, Carmen Riesco, dixo sintise satisfecha cona trayectoria d'esti concursu, ente otres coses, no que cinca a "la dignificación y l'arrequecimientu de la nuesa lliteratura en xeneral y a la escrita na nuesa variante dialectal occidental en particular".

Asturianu ofrecido por