UVIÉU, 4 Abr. (EUROPA PRESS) -
La representación social del Comité Intercentros de la Empresa Pública Hunosa, CC.OO. y el SOMA-FITAG-UXT punxéronse a disposición de los Conceyos del Nalón y del Caudal pa realizar xeres de desinfección.
Trátase de trabayadores que tán en situación de permisu retribuyíu recuperable al pertenecer a los centros de trabayu consideraos non esenciales por nun formar parte de la cadena productiva de suministru de la Térmica de la Pereda.
Otru grupu de trabayadores de los centros y pozos operativos, como San Nicolas y la Térmica de la Pereda, tamién quieren participar y ufriéronse pa incorporase a estos trabayos fuera de turnu, nos festivos o fines de selmana.
Ocho Conceyos yá precisaron la so participación --Llaviana, Samartín del Rei Aurelio, Llangréu, Mieres, L.lena, Ayer, Riosa y Morcín--. Los trabayos van facese a lo llargo de la selmana n'equipos de diez y cinco mineros y mineres, en función de les necesidaes d'estos conceyos.
