Publicado 21/10/2021 09:40CET

El Ministeriu publica'l cartel del Día de les Biblioteques n'asturianu

Cartel del Día de les Biblioteques.
FACEBOOK.

UVIÉU, 21 Oct. (EUROPA PRESS) -

El Ministeriu de Cultura del Gobiernu d'España editó'l cartel que celebra'l Día de les Biblioteques, amás d'en castellanu y nes llingües oficiales, n'asturianu. La xornada va celebrase'l domingu 24 d'ochobre y esti añu lleva'l lema 'Biblioteques, lleer, deprender, descubrir'.

El cartel que diseñó la ilustradora Mayte Alvarado pal Ministeriu de Cultura tien tamién la so versión n'asturianu, y recuérdanos que les biblioteques son un bon sitiu pa iniciase na llectura de llibros na nuestra llingua.

La midida respuende a una petición del Gobiernu d'Asturies realizada nun alcuentru ente la conseyera de Cultura, Política Llingüística y Turismu, Berta Piñán, y la directora xeneral del Llibru y Fomentu de la Llectura del Gobiernu d'España, María José Gálvez.

Asina, el Ministeriu y la Conseyería de Cultura alcordaron que la lliteratura n'asturianu y gallego-asturianu tengan presencia nes campañes de fomentu y promoción de la llectura qu'entame'l Ministeriu de Cultura, como yá se pudo ver nel Día Internacional del Llibru, con un cartel ditáu amás d'en castellanu y nes llingües oficiales, n'asturianu y aragonés.

Asturianu ofrecido por