Publicado 06/05/2015 20:16CET

Un mozu con problemátiques "bien actuales", protagonista de la primer novela gráfica de Carballeira

Carballeira (izquierda) durante la presentación de su obra.
EUROPA PRESS

UVIÉU, 6 de Mayu (EUROPA PRESS)

Un mozu de 35 años, con problemes sentimentales y una difícil situación llaboral, bien acorde cola situación actual de munches persones, ye'l protagonista, sin nome, de 'L'arume de la tierra', la primer novela gráfica del ilustrador Enrique Carballeira, conocíu ente otres coses por ser autor de la tira cómica 'Nardo y Quina'.

Carballeira presentó esti miércoles la so obra nun actu nel que compareció acompañáu pol viceconseyeru de Cultura, Alejandro Calvo, la directora xeneral de Política Llingüística, Ana López Fueyo, y el tamién dibuxante Ernesto García del Castillo, 'Neto'.

El volume sale a la venta con tapa dura y 80 páxines d'estensión en color, y con un estilu que caltién los trazos avezaos del dibuxante pero dende una llinia "más realista", en palabres del propiu Carballeria, en declaraciones a Europa Press. Nun tapeció l'autor el so preste pol resultáu d'esta edición, "bien cuidada".

Esclaró tamién que la historia, anque trata una situación complicada nel protagonista, "nun ye un drama", y que caltién el tonu humorístico que caracteriza de normal les sos creaciones.

L'ilustrador destacó'l momentu que na so opinión vive'l mundu del cómic n'Asturies, "una bona tierra de dibuxantes", ente los que destacó dellos nomes, como'l del Premiu Nacional, Alfonso Zapico. Reconoció, sicasí, que la situación del mercáu "ye complicada". "Agora tenemos muncha competencia de munchos medios distintos, nun ye como nos años 50, cuando namás taba'l cine", llamentó.

Asturianu ofrecido por