XIXÓN, 28 Ene. (EUROPA PRESS) -
Un trabayador morrió esti martes nun accidente llaboral en Xixón, al cayer dende 25 metros nel estadiu d'El Molinón, confirmaron a Europa Press dende la Comisaría xixonesa.
Según les mesmes fontes, l'home, que trabayaba pa una empresa esterna contratada pol Club de Fútbol del Real Sporting de Xixón, taba realizando llabores de caltenimientu eléctricu cuando cayó d'una de les torres del estadiu.
Hasta'l llugar del sucesu treslladáronse equipos médicos y la Policía Nacional. Activóse, coles mesmes, el protocolu d'accidente llaboral y abrióse una investigación pa determinar si se cumplía cola normativa de Prevención de Riesgos Llaborales.
