UVIÉU, 24 Abr. (EUROPA PRESS) -
La ñeve cayida nes últimes hores sosprendió a los conductores que transiten pela Autopista del Güerna, l'A-66, ente Asturies y la meseta.
La Dirección Xeneral de Tráficu aconseya dende les 8.38 hores d'esti miércoles circular con precaución pela vía, especialmente ente los quilómetros 66 (El Moclín, Asturies) y el 141 (Valverde de la Virgen, Llión) por estes condiciones.
La concesionaria de l'autopista, Aucalsa, caltién la vía abierta a tolos vehículos, anque aconseya "estremar la precaución" y nun perpasar los 100 quilómetros per hora. Amás, encamienten a los camiones a circular pel carril derechu y prohiben realizar adelantamientos.
Nesos momentos tán realizando llabores de llimpieza de la calzada nueve máquines quitañeves pa garantizar la seguridá, según confirmó Aucalsa a Europa Press, anque les previsiones apunten a que nun se van producir grandes precipitaciones.