"Toi esmolecíu pol futuru de Llaboral", afirma
XIXÓN, 3 Feb. (EUROPA PRESS) -
L'hasta esti llunes director de Llaboral Centru d'Arte y Creación Industrial, Pablo de Soto, mostróse sosprendíu pola decisión del Patronatu de la Fundación responsable d'esti equipamientu cultural, allugáu en Xixón, de cesalu por perda de confianza.
"Nun lo esperaba", aseguró De Soto en declaraciones a Europa Press, pa poner el focu en que Llaboral tuvo cinco directores "en poco más d'una década".
Al empar, defendió la so xestión al mandu de esti equipamientu y, nesi sentíu, recordó los "datos oxetivos" llograos, como ye multiplicar por trés el númberu de visitantes, ameyorar la tesorería y l'impactu de Llaboral a nivel nacional, internacional y local y el númberu d'artistes.
"Toi esmolecíu pol futuru de Llaboral Centru d'Arte", aseguró. De Soto insistió en que depués del trabayu nestos cuasi trés años el centru "reconectó cola ciudadanía, ameyoró tolos sos parámetros oxetivos, incluyíu l'económicu, y taba cumpliendo coles funciones y los oxetivos pa los que foi creáu".