UVIÉU, 24 Ene. (EUROPA PRESS) -
El diputáu de Foru Asturies nel Congresu, Isidro Martínez Oblanca, criticó esti vienres la "doble moral" qu'al so xuiciu tien el presidente Pedro Sánchez en sobre la situación política venezolana. Al traviés d'una serie d'entrugues parllamentaries, pidió al presidente qu'esplique por qué pon "alfombra bermeya a los que caltienen oprimíu al pueblu venezolanu" y "desprecia" al presidente encargáu de Venezuela, Juan Guaidó.
Nuna nota de prensa llamentó que Sánchez "refugara" recibir a Guaidó al so pasu per España, mentes que'l ministru José Luis Ábalos, entrevistóse "clandestinamente" cola vicepresidenta de Maduro.
Énte esta situación, Oblanca preguntó los beneficios "políticos sociales, culturales, comerciales y humanitarios" que va llograr España cola actitú de Sánchez, "portándose con Juan Guaidó de forma contraria a la caltenida polos más destacaos xefes de gobiernu de la Unión Europea".
