Publicado 20/02/2019 13:24CET

La obra de teatru 'Yes igual que caldu gordu' llega al Filarmónica esti sábadu

UVIÉU, 20 Feb. (EUROPA PRESS) -

La obra teatral 'Yes igual que caldu gordu' va llegar esti sábadu a les 20.00 hores al Teatru Filarmónica d'Uviéu con motivu del Festival Nacional de Teatru Amateur, que se celebra dende'l día 1 de febreru y va acabar el 3 de marzu.

'Yes igual que caldu gordu', cola dirección de Carmen Duarte, cuenta la historia d'un matrimoniu que se lleva perbién hasta que Amalio, l'home, gaste munches perres nuna bicicleta, ensin consultalu cola muyer. Dende esi momentu entama una guerra ente dambos. Les entraes, a un preciu de seis euros, tán disponibles na páxina web www.oviedo.es.

Un total d'once compañíes asturianes y trés nacionales van participar nel eventu. Esta edición, amás, cuenta cola novedá del Teatru Casín de Trubia, que va acoyer les cuatro obres que nun entren en concursu ente'l 16 de marzu y el 6 d'abril.

Asturianu ofrecido por