UVIÉU, 23 Ene. (EUROPA PRESS) -
Ocho ríos asturianos tán esti miércoles n'alerta pol aumentu del so caudal depués de les lluvies que dende esti martes tán afectando a una parte grande del Principáu. Amás, hai ocho ríos en prealerta poles elevaes precipitaciones, según información de la Conferencia Hidrográfica del Cantábricu consultada por Europa Press.
Nel casu de los ríos que tán en situación d'alerta, el caudal del ríu Negru, en L.luarca (Valdés) algamó los 2,58 metros, mentes que, l'Esva, al so pasu per Trevías (Valdés), superó los 4,01 metros. El Narcea, al altor de Quinzanas (Pravia) superó los 3,18 metros; el Nalón superó los 6,29 metros en Grullos (Candamo) y los 6,54 metros en Palombar (La Ribera); el Nora, al so pasu per San Cucao (Llanera) supera yá los 6,11 metros; el Noreña, en La Fresneda algama los 3,61 metros; el Caudal n'Argame (Morcín) algamó los 3,89 metros; y el Seya superó los 3,5 metros en Pervís (Amieva) y los 5,51 metros en Cangues d'Onís.
Amás, los ocho ríos que tán en prealerta --nivel naranxa--, son el Porcía al so pasu por Sueiro, El Franco; Raices en Salinas, Castrillón; el Pigüeña, en Samartín (Balmonte); el Trubia; el Nalón n'El Condao y Sama; Nora en La Pola Siero; el Piloña en Villamayor y n'Ozanes; y el Seya en Les Arriondes.
