El paru baxó en 437 persones nel Principáu nel mes d'abril, un 0,83% menos respecto al mes anterior

Actualizado 06/05/2008 13:08:35 CET

UVIÉU, 6 de Mayu (EUROPA PRESS)

El númberu de paraos rexistraos nes oficines del Institutu Nacional d'Emplegu (Inem) nel Principáu d'Astuires baxó en 437 persones nel mes d'abril, un 0,83 por cientu menos que'l mes anterior, colo que la cifra total de desemplegaos asitióse en 52.037 persones, según informó güei'l Ministeriu de Trabayu y Inmigración.

Según los datos ofrecíos, en cuanto a la comparanza col mesmu mes del añu pasáu, los paraos nel mes d'abril son n'Asturies 189 más, lo que supón un incrementu del 0,36 por cientu.

A nivel nacional, sin embargu, el desemplegu creció en 37.542 persones n'abril, el 1,6 por cientu respecto a marzu, colo que la cifra total de desemplegaos asitióse en 2.338.516 persones. Esta subida ye la primera que se produz nesti mes dende 1996, primer añu del que'l Ministeriu de Trabayu tien datos comparables.

L'ascensu d'abril supón el regresu del paru a la llinia al alza tres el respiru de marzu, cuando'l desemplegu baxo en más de 14.000 persones, dempués de tar subiendo cinco meses siguíos.

Una vez más, el paru femenín n'Asturies supera al masculín, puesto que nel mes d'abril el númberu de muyeres ensin trabayu asitióse en 31.651, mientres que'l númberu d'homes desemplegaos foi de 20.386 persones.

Sin embargu, estos datos varíen si se tien en cuenta la edá, ya que les muyeres menores de 25 años tienen más facilidaes p'atopar un emplegu. Según los datos del Ministeriu, nel mes d'abril un total de 2.523 muyeres menores de 25 años nun teníen emplegu frente a los 2.551 homes que nun teníen trabayu.

CREZ EL PARU NEL SECTOR SERVICIOS.

Demientres el mes d'abril el paru creció sólo n'Asturies nel sector Construcción, onde se contaron 203 paraos más, el sector servicios, sin embargu baxó'l so númberu de paraos respecto al mes anterior en 515 persones. El desemplegu tamién baxó, anque en menor midida, nel sector ensin emplegu anterior (-94), agricultura (-30) y industria (-1).

El númberu d'asturianos paraos n'abril por sectores ye de 35.094 en servicios, 5.706 en construcción, 5.631 n'industria, 4.975 esin emplegu anterior y 31 n'agricultura.

Los datos del departamentu que dirixe Celestino Corbacho muestren que'l númberu d'estranxeros que tán en paru nel mes d'abril n'Astuires algamó les 2.379 persones, de les que 1.292 pertenecen al sector servicios, 482 a construcción, 409 ensin emplegu anterior, 131 a industria y 65 a agricultura.