UVIÉU, 25 Abr. (EUROPA PRESS) -
El númberu de pensiones n'Asturies ta en 302.173 lo que representa una medría del 0,3% en comparanza col mesmu mes del añu anterior, según datos del Institutu Nacional de la Seguridá Social (INSS) del Ministeriu de Trabayu, Migraciones y Seguridá Social.
Según les mesmes fontes la pensión media nel Principáu ye de 1.165,83 euros, con una crecedera del 5,9% en comparanza col mesmu mes de 2018.
El conxuntu del sistema algama un total de 9.715.288 pensiones contributives, un 1,29% más en comaparanza col añu pasáu. D'elles 6.017.292 son por xubilación; 2.359.938 correspuenden a vilbedá; 955.675 a incapacidá permanente; 339.993 a orfandá y 42.390 a favor de familiares.
La nómina mensual de pensiones contributives de la Seguridá Social algama los 9.598.051 miles d'euros. Per otru llau, la pensión media de xubilación xube a 1.135,25 euros, lo que representa una medría del 5,06% % en comparanza col añu pasáu. La pensión media del Sistema, qu'entiende les distintes clases (xubilación, incapacidá permanente, vilbedá, orfandá y a favor de familiares), algama los 987,93 euros mensuales, lo que supón un aumentu interanual del 5,70%.
