MADRID, 15 Ene. (EUROPA PRESS) -
Pfizer va reducir temporalmente les entregues a Europa de la so vacuna contra'l COVID-19 a partir de la selmana que vien p'aumentar la so capacidá de producción de 1.300 a 2.000 millones de dosis al añu, según informó esti vienres l'Institutu Noruegu de Salú Pública (FHI, poles sos sigles en noruegu) y confirmó depués la compañía.
"Anque esto va afectar temporalmente a los unvios de finales de xineru a principios de febreru, va suponer un aumentu significativu de les dosis disponibles pa los pacientes a finales de febreru y marzu", detalló la compañía nun comunicáu.
Pfizer informó, coles mesmes, de qu'estos cambios nel procesu y les instalaciones p'aumentar el volume de producción de dosis "van precisar aprobaciones regulatorias adicionales", anque nun especificó les mesmes.
