UVIÉU, 24 Nov. (EUROPA PRESS) -
La conseyera d Cultura, Política Llingüistica y Turismu del Gobiernu d'Asturies, Berta Piñán, dixo esti martes que de cara al añu 2021 van redefinise les llinies d'ayuda pa les artes escéniques "de la mano del sector".
Piñán faló d'esti tema na Xunta Xeneral del Principáu d'Asturies, al ser preguntada sobre l'asuntu pol parllamentariu de Ciudadanos Armando Fernández Bartolomé.
La dirixente asturiana mentó les midíes que se punxeron yá en marcha esti mesmu añu p'ayudar a los profesionales del sector, compensando los perxuicios poles restricciones de la crisis sanitaria de la COVID-19. Insistió en qu'existe un "diálogu permanente" coles artes escéniques y que se constituyó en xunu una mesa pa eso.
Fernández Bartolomé solicitó a la conseyera qu'aproveche la ocasión pa poder facilitar les coses de forma qu'Asturies tenga d'una vegada "una industria" de les artes, que sía una "fonte de riqueza", y que nel Principáu "pueda vivise de la música, de les artes escéniques o del teatru".
