Publicado 03/05/2021 16:42CET

Piñán llama a "reivindicar" la lliteratura n'asturianu "porque ye una reivindicación hacia la igualdá"

Inauguración Selmana de les Lletres.
PRENSA PRINCIPADO.

UVIÉU, 3 May. (EUROPA PRESS) -

La conseyera de Cultura, Política Llingüística y Turismu, Berta Piñán, llamó esti llunes a "reivindicar" la lliteratura n'asturiana "porque ye una reivindicación hacia la igualdá".

Piñán pronuncióse asina en declaraciones a los medios na inauguración de la 42 Selmana de les Lletres Asturianes, nun actu celebráu na Casa de Cultura Teodoro Cuesta de Mieres y nel que tamién participaron l'alcalde de Mieres, Anibal Vázquez, y el coordinador d'esta edición de la Selmana, l'escritor y profesor Xandru Fernández. Al actu tamién asistió'l director xeneral de Política Llingüística, Antón García.

Según la conseyera, la lliteratura n'asturianu "defiéndese sola" pol so "camín d'escelencia y la so función normalizadora". "Ye una lliteratura que pue salir al esterior y pue sentise arguyosa en casa, pola so función y calidá", indicó, p'añadir qu'hai que reivindicala "porque ye una reivindicación hacia la igualdá".

La Selmana d'anguaño ta dedicada al escritor y artista mierense Nel Amaro. Na so intervención, la conseyera de Cultura fixo un perfil singular de la figura de Nel Amaro y de la so actividá artística, y destacó la importancia de la so obra na cultura asturiana y la relevante influencia que tuvo en xeneraciones posteriores.

Nel actu d'apertura de la Selmana de les Lletres, presentóse'l llibru 'Pruebes d'autor: Les siete vides de Nel Amaro', coordináu por Xandru Fernández; proyectóse un documental sobre l'escritor mierense y inauguróse una esposición sobre la so figura.

Piñán detalló tamién el restu de la programación de la Selmana que, amás de los actos d'homenaxe a Nel Amaro, inclúi'l Conciertu de les Lletres, nel que la Orquesta Sinfónica del Principáu (OSPA) va interpretar pieces de compositores asturianos; el Homenaxe ás nosas lletras, que se va celebrar na Casa de la Cultura d'As Figueiras (Castropol), o'l sestu concursu de microrrelatos improvisaos n'asturianu, que va ser el vienres, Día de les Lletres Asturianes, en Llaboral Centru d'Arte.

Asturianu ofrecido por