Actualizado 06/03/2008 20:23 CET

La plantiya del Hospital de Les Arriondes acusa al Gobiernu de negase a tratar al Grande Covián como al restu de centros

LES ARRIONDES, 06 de Marzu (EUROPA PRESS)

La plantiya del Hospital de Les Arriondes va decidir mañana nuna asamblea de trabayadores les posibles movilizaciones o aiciones a tomar, tres la rotrua de la mesa de negociación. Los trabayadores quisieron destacar cuáles fueron pa ellos los motivos determinantes pa que se produxera la rotura del alcuerdu. Asina, manifestaron que la principal causa d'esta rotura foi la negativa per parte de los miembros del Patronatu a falar d'integrar l'hospital nel Sespa n'igualdá de condiciones col restu d'hospitales de la rede Pública.

Fontes del comité d'empresa del Grande Covián recordaron, en delcaraciones a Europa Press, qu'ésti yera'l fin de la proposición non de llei votada na Xunta Xeneral del Principáu, presentada pol Partíu Socialista y aprobada por mayoría absoluta.

"Contradicción tala nun pue ser de nenguna manera aprobada por esti comité, pues condena al nuesu centru a caltenese pa siempre n'inferioridá de condiciones respecto al restu d'hospitales públicos y a los ciudadanos del Oriente a resignase a que los sos impuestos finacien los centros de les otres árees y non el suyu propiu", puntualizaron.

El proyectu de futuru planiáu pol Principáu, pal Grande Covián pasa pola tresformación en Fundación Pública. Anque dende'l comité d'empresa puntualizaron que "esti trámite que los patronos ofrecen como una solución definitiva pal Grande Covián, ye simplemente una obligación llegal derivada de la Llei de Fundaciones del añu 2002".

La Llei d'Ordenación de les Profesiones Sanitaries diz que la carrera y desarrollu profesional ye un derechu de los trabayadores sanitarios. Anque nun obliga a poner en marcha'l sistema nuna fecha determinada, la plantiya nesti sen recalca que "el presidente del Patronatu, José Ramón Riera, afirmó n'avientu del 2006 que nun diba haber problemes pa implantala nel nuesu centru y 15 meses dempués se nieguen a falar d'ello, nin en presente nin en futuru".

Asturianu ofrecido por