Podemos critica la falta de caltenimientu na rede de cercaníes y reclama un "cambiu drásticu" na política de movilidá

Interior de la Estación del Norte, estación de tren en la calle Uría de Oviedo.
EUROPA PRESS
Publicado: miércoles, 25 enero 2023 13:16

UVIÉU, 25 Ene. (EUROPA PRESS) -

El diputáu de Podemos na Xunta Xeneral Daniel Ripa, y el conceyal de Somos nel Conceyu d'Uviéu, Ignacio Fernández del Páramo, criticaron esti miércoles la falta de caltenimientu de la rede de cercaníes n'Asturies, y pidieron un "cambiu drásticu" nes polítiques de movilidá pa favorecer esti mediu de tresporte.

Nunes declaraciones a los medios nes que tuvieron acompañaos pol númberu dos de Podemos a la Xunta Xeneral, Xune Elipe, dambos políticos denunciaron los "repetíos problemes" na rede de cercaníes, destacando que ye "inasumible" qu'Asturies nun tenga una rede de ferrocarril que dea un serviciu afayadizu a los sos ciudadanos.

Dende Podemos falaron de problemes como'l que pasó esta selmana nun tren de la llinia Uviéu a El Berrón, que tardó más de trés hores en realizar el percorríu.

Del Páramo criticó que se paralicen los trenes poles xelaes, y Ripa cuestionó que pase esto n'Asturies mentes "en Finlandia o en Castiella" nun pasa y sufren temperatures más baxes. Ripa apuntó a la "falta de caltenimientu" como principal problema y a "les chambonaes" na xestión.

Nesti puntu, criticó que los trenes que diben renovar la flota de l'antigua Feve nun vaigan llegar "polo menos" hasta dientro de trés años porque "s'enquivoquen nes midíes", y apuntó a la incompetencia" o al "desinterés" que pue haber sobre unes cercaníes que n'Asturies tán circulando "más adulce qu'hai 50 años".

INCUMPLIMIENTOS NA VARIANTE

Sobre la visita de la secretaria d'Estáu de Tresportes, Isabel Pardo de Vera, Ripa señaló que "nun val" echar la culpa namás a Francisco Álvarez-Cascos polos incumplimientos y los retrasos.

Asina, apuntó que doce de los últimos 19 años gobernó'l PSOE n'España, colo que "dalgo de responsabilidá va tener". "Tán riéndose de los asturianos" y "poniendo escuses" pa dicir por qué agora nun s'abre. "La realidá ye que lo preinauguraron dos veces", esplicó, y dieron 18 feches distintes pa la so puesta en funcionamientu.

El diputáu de Podemos destacó que dende 2018 el Gobiernu estatal dexó d'invertir 213 millones na Variante.

Per otru llau, el candidatu Xune Elipe, enmarcó estes dos problemátiques nun "gran problema" coles comunicaciones a nivel rexonal, mentando'l peaxe del Güerna, los problemes "periódicos" nel aeropuertu, o la falta de comunicaciones marítimes internacionales.

Contador
Asturianu ofrecido por