UVIÉU, 16 Abr. (EUROPA PRESS) -
El candidatu de Ciudadanos al Congresu por Asturies, Ignacio Prendes, defendió esti martes una Alministración Pública "ensin barreres" na que los funcionarios de cualquier autonomía puedan trabayar en cualesquier otra "ensin empalizaes" como l'idioma.
Refirióse nestos términos a les, al so xuiciu, llimitaciones d'accesu en Cataluña al cuerpu funcionarial pola llingua. "Defendemos qu'un funcionariu asturianu pueda dir trabayar a otres comunidaes autónomes y que nun haya barreres como l'idioma, que dalgunos pretenden establecer como empalizaes", criticó nunes declaraciones unviaes a los medios.
Asina, defendió que los trabayadores públicos puedan trabayar en tol territoriu nacional y que "l'idioma nun se convierta nuna barrera". "Que'l so únicu techu sía'l so méritu y la so capacidá", defendió.
En celebrando una xunta con funcionarios de prisiones en La Pola Siero, Prendes defendió la protección d'esti cuerpu, defendiendo la so equiparación salarial en tol territoriu, al igual que la de Policía Nacional y Guardia Civil. "A igual trabayu, igual salariu", sorrayó.