UVIÉU, 22 Oct. (EUROPA PRESS) -
La Confederación de Cuadros y Profesionales (CCP), al traviés de la so Asociación Profesional de Cuadros d'Alcoa (CCP-APC), presentó una querella criminal énte l'Audiencia Nacional contra Alcoa Inespal SL., Parter Capital Group y Grupo Industrial Riesgo pola so presunta implicación na venta irregular de les plantes d'A Coruña y Avilés, dambes propiedá d'Alcoa hasta xunetu de 2019, y agora en manes del Grupu Industrial Riesgo.
La querella encamienta a la fiscalía a qu'investigue'l plan de treslladar la titularidá d'estes dos fábriques a un fondu inesistente denomináu, Grupo Industrial Riesgo, al traviés de System Capital Management "ensin históricu financieru y ensin la solvencia necesaria pa desenvolver l'actividá industrial, poniendo en riesgo inversiones perriba de 40 millones d'euros, comprometíos por Alcoa".
Por esta operación y la so xestión, el sindicatu sostién que ta en riesgu la continuidá de más de 600 trabayadores. "Les irregularidaes que se producieron nel últimu añu algamen presuntos delitos d'estafa, alzamientu de bienes, actuar contra la seguridá de los trabayadores, amás de l'apropiación indebida y insolvencia", afirmen les mesmes fontes sindicales.
