UVIÉU, 14 Oct. (EUROPA PRESS) -
El Gobiernu del Principáu d'Asturies va reclamar a Renfe que nun permita que viaxen nos vagones ferroviarios más persones que los asientos qu'existen. Asina lo dixo esti miércoles el presidente asturianu, Adrián Barbón, consciente de la esmolición n'usuarios de los servicios de cercaníes por delles imaxenes, con munchos viaxeros, dalgunos de pies.
Barbón, nuna rueda de prensa n'Uviéu, recordó que'l Gobiernu autonómicu nun tien competencia nos servicios de cercaníes ferroviaries. Yá treslladó a la Delegada del Gobiernu n'Asturies, Delia Losa, el so pidimientu, como representante del Gobiernu central.
L'Executivu autonómicu tamién va dirixise a los conceyos que xestionen el tresporte urbanu pa que controlen los aforos nos autobuses y nun se produzan situaciones de riesgu.
Asturies sí tien competencies nel tresporte interurbanu. El presidente asturianu, dixo que nel Principáu aplicóse la regulación qu'existe a nivel nacional, qu'indica que'l máximu de persones la marca'l númberu d'usuarios que puen dir sentaos.
