Publicado 02/02/2021 18:33CET

El Principáu quier avanzar "significativamente" nel usu de la toponimia tradicional, tamién pola alministración estatal

Langreo, coronavirus, policia, sanidad, alerta, naranja, llangréu, toponimia, salud, covid.
AYUNTAMIENTO DE LANGREO. - Archivo

UVIÉU, 2 Feb. (EUROPA PRESS) -

La Conseyería de Cultura, Política Llingüística y Turismu quier avanzar "significativamente" na aplicación práctica de la toponimia tradicional asturiana que yá ye oficial, "tanto poles alministraciones asturianes como poles dependientes del Estáu".

Según confirmaron fontes de la Conseyería a Europa Press, el siguiente conceyu que se va llevar a Conseyu de Gobiernu pa la so oficialización va ser Pravia, nes próximes selmanes.

"Ta trabayándose intensamente col restu de conceyos p'avanzar nel procesu", indicaron dende Cultura, p'añadir que la prioridá nesti momentu ye completar la oficialización de tolos conceyos, iniciar la oficialización de la toponimia d'accidentes xeográficos y "avanzar significativamente na so aplicación práctica, tanto poles alministraciones asturianes como estatales".

La Xunta Asesora de Toponimia ocupóse, hasta la fecha, d'emitir dictame sobre los nomes tradicionales de les capitales, les parroquies rurales y los núcleos de población de los 78 conceyos. Hasta'l momentu, 67 conceyos tienen la toponimia tradicional oficializada.

La Conseyería de Cultura, Política Llingüística y Turismu quier acabar esti procesu en 2022, en completando la oficialización de les poblaciones de los 11 conceyos restantes y poner en marcha'l procesu pa la oficialización de los nomes de los 78 conceyos.

Asturianu ofrecido por