Actualizado 18/12/2017 15:14 CET

El Principáu usa l'asturianu y el gallego-asturianu nuna campaña de concienciación contra les quemes

Incendio en Muniel.Los
COORDINADORA ECOLOXISTA

UVIÉU, 18 Dic. (EUROPA PRESS) -

La Conseyería de Presidencia del Gobiernu asturianu axudicó a la empresa Bittia Media'l contratu de 149.289 euros pal desarrollu d'una campaña de concienciación contra quemes forestales. La iniciativa, que va usar el castellanu, l'asturianu y el gallego-asturianu, presentóla esti llunes el conseyeru de Presidencia, Guillermo Martínez, y la conseyera de Desenvolvimientu Rural, María Jesús Álvarez.

D'esta forma, el Gobiernu va gastar 37.322,57 euros na campaña de les sos cuentes correspondientes a 2017 y 111.967,73 euros de les de 2018. Va ser al traviés d'una aplicación presupuestaria incluida nel apartáu 'Gastos diversos' de la Conseyería.

La campaña escoyida lleva por lema 'Ser testigu nun ye abondo: prende'l to compromisu, apaga la indiferencia' y van desarrollase n'anuncios en periódicos, dixitales, radios o televisión. La campaña va usar el castellanu, asturianu y gallego-asturianu.

Amás de la de Bittia foron evaluaes otros seis ufiertes d'empreses y una d'elles quedó escluida. El procedimientu empezó con una resolución de fecha 1 de setiembre de 2017. L'anunciu de llicitación publicóse nel Boletín Oficial del Principáu d'Asturies (BOPA) el 9 d'ochobre. La primer fola de la campaña desarrollóse del 11 al 26 d'avientu.

Según esplicó Guillermo Martínez, lo que se busca cola campaña ye qu'exista "tolerancia cero" contra los que quemen los montes y que se sientan "acorralaos" polos vecinos.