UVIÉU, 30 Ago. (EUROPA PRESS) -
La Conseyería de Cultura, Política Llingüística y Turismu va dar "un impulsu fuerte a la política llingüística" al asumir esi patrimoniu como "un valor esencial y identitariu d'Asturies". Amás, el Principáu va tener un Conseyu Asesor na materia.
Asina se recueye na estructura nueva del Gobiernu aprobada esti viernes pol Executivu autonómicu, onde'l principal cambiu sobre'l mandatu anterior consiste na creación de les conseyeríes de Cultura, Política Llingüística y Turismu y de Ciencia, Innovación y Universidá.
Dambes suponen, según señaló'l Principáu al traviés de nota de prensa, a dos apuestes "estratéxiques" al tratar de fomentar la innovación científico y técnico, "lo mesmo que fortalecer les polítiques turístiques, culturales y llingüístiques".
No que tien que ver cola Conseyería de Cultura, Política Llingüística y Turismu, esta va dixebrase nuna Viceconseyería de Turismu y tres direcciones xenerales: Cultura y Patrimoniu, Política Llingüística y Deporte, respectivamente. Aprobada la estructura, nes xuntes próximes del Conseyu de Gobiernu van alcordase los nomamientos correspondientes.
Otra manera, amás de mantener el Conseyu de Patrimoniu Cultural d'Asturies, el Conseyu Asesor de Deportes, la Comisión de Valoración de Bienes del Patrimoniu Cultural d'Asturies o la Xunta Asesora de Toponimia, la Conseyería va contar con un Conseyu Asesor de Política Llingüística
