UVIÉU, 1 Oct. (EUROPA PRESS) -
La Conseyería de Cultura, Política Llingüística y Turismu va poner en marcha nel 2022 un programa d'enseñanza non reglada pa persones adultes n'asturianu y gallego-asturianu. Va facese en collaboración colos conceyos, onde se van establecer Aules de Llingua p'Adultos.
Esta midida va encadarmase dende la Dirección Xeneral de Política Llingüística al traviés d'una rede formativa con implantación en tol territoriu. La fase pilotu d'implantación del programa va realizase cola collaboración de los conceyos que quieran sumase.
Esta iniciativa va ser accesible pa tola ciudadanía, va combinar la enseñanza presencial, la formación a distancia y l'autoformación y va ayudar a la preparación de les pruebes de certificación dientro del Marcu Común Européu de Referencia pa les Llingües.
