Publicado 08/03/2021 16:26CET

La programación de la Selmana de les Lletres va incluyir esposiciones, llibros y un documental sobre Nel Amaro

Archivo - Selmana de les Lletres.
EUROPA PRESS. - Archivo

UVIÉU, 8 Mar. (EUROPA PRESS) -

La Selmana de les Lletres Asturianes va incluyir na programación de la so 42 edición dos esposiciones y la presentación d'un documental y de dos llibros sobre la vida y la obra de Nel Amaro.

La Conseyería de Cultura, Política Llingüística y Turismu del Gobiernu asturianu fai un homenaxe nesta convocatoria al escritor mierense, al coincidir colos diez años de la so muerte y los 75 de la so nacencia.

Les actividaes, como ye tradición, van programase na primer selmana de mayu y nesta ocasión van tar dirixíes pol escritor y profesor Xandru Fernández, que s'encarga de coordinar les publicaciones y principales conteníos del homenaxe institucional y ciudadanu a la figura de Nel Amaro.

Los dos llibros que la Dirección Xeneral de Política Llingüística va publicar van ser una antoloxía de la so obra, escoyida y comentada por Xandru Fernández, y un volume qu'inclúi artículos d'escritores y investigadores sobre l'escritor y el so tiempu.

La conseyería ta trabayando na preparación de les actividaes de la Selmana cola collaboración de dellos colectivos, instituciones, creadores y investigadores, y especialmente en coordinación con Llaboral Centru d'Arte y los conceyos de Mieres y L.lena, conceyos a los que l'autor tuvo especialmente vinculáu.

Nel Amaro (1946-2011) suma a la so faceta de creador lliterariu la condición de persona activa y determinante na vida social y cultural d'Asturies. Novelista, dramaturgu, editor de revistes, autor de performances o introductor de la poesía visual n'Asturies, Amaro ye ún de los escritores más versátiles y prolíficos de la lliteratura asturiana moderna.

Ún de los principales oxetivos de la Selmana de les Lletres Asturianes ye la recuperación y divulgación d'un autor o autora, pa xunir el so nome a la nómina de los clásicos de la lliteratura asturiana. N'ediciones anteriores homenaxaron, ente otros, a Antón de Marirreguera, Xosefa Xovellanos, Xuan María Acebal, María Josefa Canellada, Enriqueta González Rubín, Mánfer de la Llera o María Teresa Villaverde, Tuxa.

Asturianu ofrecido por