UVIÉU, 15 Nov. (EUROPA PRESS) -
El portavoz del Grupu Parllamentariu Socialista, Marcelino Marcos Lindez, calificó de "satisfactoria" la visita del ministru de Fomentu José Luis Ábalos a Asturies "pa clarificar les polítiques del executivu de Sánchez con Asturies y cumplir colos compromisos en materia d'infraestructures ".
En cuanto al anunciu del ministru de qu'ún de los túneles de la variante de Payares, la conexón ferroviaria que va xunir Asturies con Llión, va cuntar con víes d'anchu ibéricu y traviesa polivalente, pa tráficu de pasaxeros y de mercancíes, Marcos Lindez señaló que ye una propuesta "razonable en base a la reivindicación non namás política mayoritaria d'Asturies sinón tamién social y económica".
La portavoz socialista na cámara asturiana realizó estes manifestaciones a los periodistes en relación a los compromisos del ministru de Fomentu, José Luis Ábalos, na so visita a Asturies.
Recordó que l'executivu de Pedro Sánchez lleva cinco meses nel poder y que foi'l PP el que tuvo gobernando España nos últimos siete años. "Hai munches fuercies polítiques que nun tuvieron el mesmu nivel d'esixencia colos 'populares' que col gobiernu socialista", señala.
Pero aseguró que'l Gobiernu de Sánchez "ta treslladando respuestes a los distintos retos qu'afecten a Asturies". Nesti sentíu recordó'l compromisu de licitar el tramu de Salas-El Regueirón de l'Autovía Uviéu-La Espina, los anuncios pa la meyora de les Cercaníes y les soluciones en materia d'infraestructures pa Uviéu, Xixón y Avilés.
P'acabar, señaló qu'Ábalos vieno a Asturies "a treslladar noticies bones" y dexó "colgaos de la brocha" a los partíos "qu'agoraben que vendría paralizalo too".
