UVIÉU, 10 Oct. (EUROPA PRESS) -
L'asociación Reciella-Families pol Asturianu va entamar la séptima edición del Día de la Reciella esti domingu 13 d'ochobre nel Muséu del Pueblu d'Asturies, en Xixón, y va tener como lema 'N'asturianu, presta pola vida'.
La xornada va acoyer la cuarta edición d'Entaína, la carrera familiar, onde participen neños y pas pa mostrar el so apoyu a la llingua asturiana y a la tresmisión xeneracional d'esti idioma.
Amás, ente otres actividaes, tamién va haber dellos conciertos, como'l de L-R, y la presentación de 'Cuentos de trazu llargu', una serie d'animación n'asturianu d'Enrique Carballeira Asturtoons.
Otra manera, l'asociación yá presentó '¡Préstame pola vida!', el tema oficial del VII Día de la Reciella. Muga y el corín de Reciella interpreten esti cantar compuestu por Alicia Álvarez y con un videuclip dirixíu por Pablo A. Quiroga Prendes.
