El rector García Granda reconocíu pol so llabor a favor del asturianu

Rector de la Universidad de Oviedo, Santiago García Granda
EUROPA PRESS - Archivo
Actualizado: miércoles, 5 diciembre 2018 12:58

El "discursu negacionista" de Pablo Casado consideráu como lo peor d'esti añu

UVIÉU, 5 Dic. (EUROPA PRESS) -

La Xunta pola Defensa la Llingua Asturiana va entregar el 'Pegollu' de los XXXIII Premios Andrés Solar al rector de la Universidá d'Uviéu, Santiago García Granda. Per otru llau, el 'Madreñazu', el premiu negativu, ye pal "discursu del odiu y negacionista" del líder del PP, Pablo Casado.

Los Premios Andrés Solar tienen una vertiente doble: per un llau, la Xunta premia una entidá o persona que rescamplara pol so llabor en defensa o promoción del asturianu, el Pegollu; mentes que la versión negativa, el Madreñazu, reconoz a la persona o entidá que rescamplara pol so llabor negativu pa cola llingua asturiana.

El Pegollu d'esti añu 2018 quier reconocer el llabor de Santiago García Granda, "que vien llevando alantre na normalización del asturianu na máxima institución educativa, investigadora y científica d'Asturies"

El 'Madreñazu' d'esta edición va pal "discursu del odiu y negacionista xenófobu" del líder 'popular' Pablo Casado, "que nos últimos tiempos vien faciendo declaraciones desinformaes y malintencionaes sobre l'asturianu".

La entrega de los Premios va facese'l vienres 21 d'avientu a les 19.00 hores nel Antiguu Institutu de Xixón.

Asturianu ofrecido por