Encamienta a Canteli (PP) a "cavilgar y pidir esculpes"
MADRID/UVIÉU, 3 (EUROPA PRESS)
La ministra d'Igualdá, Ana Redondo, criticó esti llunes la "irresponsabilidá" del alcalde d'Uviéu, depués de qu'esti pidiera esti sábadu minutos de silenciu "cuando muerren homes".
"Siguir el discursu de Vox dende l'alcaldía d'Uviéu ruempe la convivencia porque alimenta l'odiu. Ye una irresponsabilidá mayúscula que refuercia les postures machistes con mentires, engañu y discursos demagóxicos. Más-y val al alcalde d'Uviéu cavilgar y pidir esculpes", aseguró la ministra nun mensaxe na rede social X.
Asina lo punxo de manifiestu Redondo depués de les declaraciones del alcalde d'Uviéu, Alfredo Canteli (PP), d'esti sábadu nel minutu de silenciu convocáu pol asesinatu presuntamente a manos de la so pareya d'una muyer de 40 años en Llangréu. Ellí, el rexidor cuestionó que nun haya minutos de silenciu "cuando muerren homes".